Teksten
klik op de hoes voor de tekst.
© 2021 Bé Schmaal / Anitaphotography N.B. op alle foto’s en videobeelden op deze site rusten auteursrechten.
Bé Schmaal | 06-22976412 | info@be-schmaal.nl | www.facebook.com/be.schmaal
Dien verdrait
Wat hest doe neudig veur meer rust in dien kop
Gaist baange sloapen en mit angst staist weer op.
Doe waist woars’t baange veur bist mor nait woarom
Ik vroag die voak doarom,
mor krieg gain antwoord weerom.
De gedachten dei die ploagen, vuilen veur mie nait normoal
Bie alles wat er speult, hest doe dien aigen verhoal
’T blieft stoer te begriepen ’k vuil mie machteloos en dom
Ik vroag die voak woarom,
mor krieg gain antwoord weerom.
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
‘t dut zeer, dien verdrait
Wat mot ‘k in vredesnoam doun om die te kinnen helpen
Dien troanen in berre binn’n voak nait meer te stelpen
Ik zol groag ain moal dien gedachten kinnen lezen
en die den vertellen was’t doe nait huifst te vrezen
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
’t dut zeer, dien verdrait
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
‘t dut zeer, dien verdrait
Teksten
klik op de hoes voor de tekst.
© 2021 Bé Schmaal / Anitaphotography N.B. op alle afbeeldingen en video op deze site rusten auteursrechten!
Contact met Bé | 06-22976412 | info@be-schmaal.nl | www.facebook.com/be.schmaal
Bie 60
As je zestig worden binnen je dreuge achter de oor’n
Nait meer snel van slag of ’t humeur loaten verstoren
Gooie en slechte tieden kwamen baident al veurbie
En drok mokken om van aalles dat huift nait meer van mie
Dichter bie de dood den bie ’t begun van ’t lee’m
Deur goud op miezulf te paazen den duurt dat nog wel eem’.
De oaldste kinder deure uut, dat is al weer gebeurd
Klainkinder om mie tou dei binnen nou aan de beurt
Aigen keuzes moaken kin ‘k aal mien tied in steken
Zoaken dei der echt tou doun, woar wie eerder nait noar keken.
Mit mien koale grieze kop nait te voak meer in de storm
Waitend hou ’t in de wereld zit, mit ’t lichoam goud in vorm.
Bie 60 tikt de klokke ai oarig schier deur
Hest veuraal gai zin, gain zin meer in gezeur
Bie 60 komt pensioen al draigend wat in ’t zicht
mor dust de deure van ’t waark nog laange nait dicht
Bie 60 liekt ook eindelijk ’t verstand te waarken
al zegt gainaine doarvan wat te kinnen maarken.
Bie 60, dou ik nog aal groag gek
Bie 60, nait meer zo’n grode bek
Bie 60, bin ‘k wies mit mien muziek
Bie 60, ooh man wat vuil ik mie riek
Genog laifde om te geven en veul plezaier in ’t leem’
Bie 60!!
X
Woorden zeggen nait alles
As mie wat nait aanstait, den huif ik niks te zeggen
Gain woord is neudig om dat uut te leggen
Mien menaier van bewegen loat mie ook niks verbaargen
Soms heb ik ’n gooie buie, den weer loop ik mie te aargern
Mien stemming bepoalt de keuze van de muziek dei ik beluuster
’T mitzingen gait van roeg en rauw tot aan ’n zacht gefluuster
Lee’md in dizze wereld schrief ik mien geschiedenis
Nait mit huil veul woorden, mor in ploatjes zoas’t is
Woorden zeggen nait alles, der is nog zoveul meer
Om mekoar goud te verstoan, keer op keer
Ik volg laiver mien gevuil, zunder alles uut te leggen
Tussen de regels deur kin ik zoveul meer zeggen.
As ik die wat vertel kiek den in mien ogen
Kinst zain van wat ik zeg doar is gain woord van logen
Bin ‘k te laank nait in dien buurt roak den nait in paniek
’T komt echt snel weer goud, ook as ‘k eem’nait noar die kiek.
Hest doe dien lekker lochie op den volg ik groag dat spoor
’T roekt zo verrekt vertrouwd, joa mien neuze achternoa
Ook huif ‘k nait aaltied zeggen hou wies ik mit die bin
Ik vertel ’t deur hou ‘k dien aankiek ’t is mooi dat’t ook zo kin.
Woorden zeggen nait alles, der is nog zoveul meer
Om mekoar goud te verstoan, keer op keer
Ik volg laiver mien gevuil, zunder alles uut te leggen
Tussen de regels deur kin ik zoveul meer zeggen.
Liggen wie soam’ op berre en denk ik aan dit laid,
den kinn’t nait beter worden den dat ’t zunder woorden gait.
X
Windmeulens
In krap honderd joar word’n gas en eulie opmoakt
Een probleem dat ons straks vast allemoal roakt.
Energiemoatschappijen goan allaint veur ‘t grode geld.
Gruine windstroom met subsidie dat is wat nou telt.
Zai regel’n het wel eem’ om snel veul te kinnn beuren
En de minsen bie de windmeulens dei mout’n nait zeuren
Windmeulens ’t gait om het grote geld
Windmeulens, gain burger dei men telt
Windmeulens, moak’n mor ’n poar minsen riek
Windmeulens, mor wel het (kriegt) er nou geliek
‘t Riek en previnsie word’n nait hinderd deur kennis
Arrogant hoal’n ze poot stief ook al hebben ze ’t mis.
Grote ideoalen word’n influusterd deur energiereus en banken
Mor dei heur milieubelangen, doar kin’n je wel om janken.
Moatschappelijk verantwoord ondernemen hebben ze veur in de mond
En angst wordt creëert, veur as der hier gain windmeulen komt
Windmeulens ’t gait om het grote geld
Windmeulens, gain burger dei men telt
Windmeulens, moak’n mor ’n poar minsen riek
Windmeulens, mor wel het (kriegt) er nou geliek
In de polder tussen Maiden, N33 en ‘t spoor
Doar komm’n ze te stoan, de lawaaischoppers in koor.
De boer’n doar hadden ’t mit windstroom al snel bekeken
Want ’n nijmootse boer huif je echt nait leren reken’
Zei zain veul euro’s per meulen as ‘n grote zeeg’n
‘t mokt ze in ain moal onofhankelijk van wind en regen
Windmeulens ’t dat kost allaint mor geld
Windmeulens, prestige is wat telt
Windmeulens, moak’n mor ’n poar minsen riek
Windmeulens, mor wel kriegt er nou geliek.
Dat de arroganten nait luustern willen noar rede en verstand
Terwiel d’er betere ploatsen binn’n dat klopt van gain kant
Mit ’n poar joar stoan der twintig windmeulens in de polder
Maidmers vind’n dei meulens dicht bie ’t dorp de grootste kolder
Binnen bange veur de gevolgen van meulenlewaai op gezondhaid
En rooie flikkerlichies bie nacht dat willen we huilemoal nait.
Windmeulens, dat kost allaint mor geld
Windmeulens, prestige is wat telt
Windmeulens, moak’n mor ’n poar minsen riek
Windmeulens, mor wel kriegt er nou geliek
X
De sprong
Ik stond lest veur’n plazze
en kon der nait omhin
’n korte aanloop, verre sprong
en toun ging ‘et deur mie hin
Doe springst wel ver
mor soepel gait ’t nait meer
Doe redst ’t allaint nog op de macht
Joa inleevern, dat dut zeer
Ik zat mentoal in de knubbe
Aales soesde mie deur d’ kop
De knobbe om, de knubbe deur
en toun kwam ’t in mie op
Doe springst wel ver
Mor soepel gait ‘t nait meer
Doe redst ’t allaint nog op de macht
Knupp’n deurhakk’n, dut voak zeer
Ik zat zwoar te prakkezaiern
wat moakt ‘t lee’m de muite weerd
Noa laank denken wait ik wat te doun
ik leg mie der bie neer
Doe springst wel ver
Mor soepel gait ‘t nait meer
Doe redst ’t allaint nog op de macht
stief prakkezaiern, dut ook zeer
Ik staai aal voaker veur zo’n plazze
Springen is den de kortste weg
’n korte aanloop, ’n verre sprong
mor den heb ‘k ook wel ‘es pech
Ik spring wel ver
Mor soepel gait ‘t nait meer
Ik red ’t allaint nog op de macht
Joa oalder worden, dut mie zeer
X
Leste rit
‘k heb de wekker zet en bin vroug op
loop noar boeten en zet de garage op de kop
Welke fietse wordt het, cross of wordt ’t racen
’t is baide mooi waark mor welke mot’t wezen
De keuze is makkelijk want de race is kapot
De mountainbike dus, as of ’t zo wezen mot
Ik dou mien fietskleren aan , pak telefoon en bidon.
Geef elk een smok nait waitend wat gebeuren kon.
Leste rit op fietse deur ‘t veld
De leste cross uren sikkom teld
De angst dei griept mie bie de haals
As ‘k der aan denk da ik nog ’n moal vaal
Wel ik ried dorp uut op weg noar Borgerswold
Een prachtige route woar ’n sportman groag tou hoald
Geniet van ’t weer en de rust in de vrouge morgen
Zit lekker op fietse en vuil mie zunder zorgen
Mor wel verdorie, wat is dat
‘k rie mit veurwiel zo mor in een gat
‘k vlaig over de kop, land op schoalder glad verkeerd
Flink wat piene, binnen twei weke opereerd
Leste rit fietsend deur ‘t veld
De leste cross uren sikkom teld
De angst dei griept mie bie de haals
As ’k der aan denk, da ik nog ’n moal vaal
Der zit een vroage in mien kop
duurf ik dei fietse wel weer op
Hou zit ’t mit skiën en motorrieden
Gai ik strak alle risico’s vermieden
Aal dei angst en aal dei vroagen
mott’n mie nait te laank blie’m ploagen
Risico’s nemen dat heurt bie mien leven
mor mountainbiken, dat duurt nog wel even
Leste rit fietsend deur ‘t veld
De leste cross uren sikkom teld
De angst dei griept mie bie de haals
As ‘k der aan denk dat ik nog’n moal vaal
X
In het zwoele schemerduuster
Gunder roakt de lucht, de kaalme blauwe zee
En doarboven dei liene,zakt de zunne noar benee.
Slenterend over een verloaten strand,
hoal ik die stevig in mien waarme haand
Ik wil nait losloaten,hoal die vast
Doe bist‘t wichie, dei het beste bie mie past
Kiek noar die in aal dien pracht,
der wacht ons nog een waarme nacht
In het zwoele schemerduuster, van proaten noar gefluuster.
Vinden wie mekoar mit ogen dicht.
Terwiel ik noar die luuster, brengen wie bewegen in het duuster
Komt de sloap pas in ‘t morgenlicht.
Aan toavel mit een flezze wien, proaten we wat over oale pien.
Bist alles veur mie, al zoveul joaren.
Gainaine kin ons verbond verstoren
Mokst mie de kop nou weer huilemoal gek.
Nemst mie mit, wie zuiken ons een aandere plek
De begeerte nemt tou, wie kinnen hier nait blieven,
Ik wil mit die de laifde bedrieven
In het zwoele schemerduuster, van proaten noar gefluuster.
Vinden wie mekoar mit ogen dicht.
Terwiel ik noar die luuster, brengen wie bewegen in het duuster
Komt de sloap pas in ‘t morgenlicht.
In het zwoele schemerduuster, van proaten noar gefluuster.
Vinden wie mekoar mit ogen dicht.
En terwiel ik noar die luuster, verstomd langzoam ons gefluuster
Komt de sloap pas in ‘t morgenlicht.
X
Aan ’t woater
Eem ’n week vakantie doar leef ik noar tou
Huilemoal niks mouten da ’s wat ik geern dou.
Nait te dicht bie huus, ’t laifst aan het grode woater
Belee’m wie van alles, mokken herinnerns veur loater.
’N Waarm holten huus vormt ons tiedelijke nest
’n poar bouken neem ‘k mit, ’n gitaar en de rest.
Uutkiekend over zee zai ik de horizon
Ik zol zo geern willen dat ik der achter kieken kon
Woater geeft mie rust, hoalt mie totoal uut de sleur
aaltied in bewegen en wisselnd van kleur
Het zeewoater hier is gries, blaauw en azuur
en noeit is ’t geliek, want zo is de natuur.
Struund langs het straan komst van alles teeg’n
Netgeliek welk weer, as het mout in de reeg’n
’s Oams waarm wie ons op mit ’n vol bord en ’n glas
Proaten onze dag deur, hou schier of ’t weer was
Wie lee’m den bie de dag, de horizon ver weg
wie zuggen ’t morn wel en aans hebben we pech
Noa ’n weke aan ’t woater is mien accu weer vol
gait weer op huus aan speul ‘k weer mien doagliekse rol.
Woater geeft mie rust, hoalt mie totoal uut de sleur
aaltied in bewegen en wisselnd van kleur
Het zeewoater hier is gries, blaauw en azuur
en noeit is ’t geliek, want zo is de natuur.
Zo is ook de mins
Noeit es geliek
In gedrag en natuur
Zoas ik der noar kiek
X
Zwait en zwoare sjek
Dit gait over mannen van stoal
Haarde waarkers, wie kinnen ze allemoal
Aaltied aarbaiden mit ’n peuke in de mond
waarken zuch doaglieks ’n slag in ’t rond
Het aanpoot’n gait de huile dag mor deur
Wat klier’n, veul lach’n mor gain gezeur
’N sjekkie hier, ’n bak kovvie doar,
en aaltied stoan’ ze veur ’n aander kloar
En noa ’n dag da’s nait zo gek
de locht van zwait en zwoare sjek
Ik kin dei locht van vrouger heer
As ‘k het roek den wait ‘k het weer.
Zwait en zwoare sjek, roek je zo mor op stroat
Zwait en zwoare sjek, van kerels mit stoere proat
Zwait en zwoare sjek, soms draait joen moag
Zwait en zwoare sjek, nee ik roek het nait groag
Mor al krieg ‘k het van dei locht benauwd
Het roekt aaltied verrekt vertrouwd
Zwait en zwoare sjek, zwait en zwoare sjek !!
Mien Pa dat was der ook zo ain
aarms dikker as mien boo’mbain
Wat Sunlightzaibe op ’n waskelabbe
en doar ging ‘e weer veur ’n dag mien Pabbe
Tegen elk dei langs komt kort eem’ moi
mit schaft op stoet gebakken ai
Roeg op zulchzulf en roeg in de mond
de stoere proat vlogt in ’t rond
Noa weer ’n dag da’s nait zo gek
de locht van zwait en zwoare sjek
Ik kin dei locht van vrouger heer
As ‘k het roek den wait ‘k het weer.
Zwait en zwoare sjek, roek je zo mor op stroat
Zwait en zwoare sjek, van kerels mit stoere proat
Zwait en zwoare sjek, soms draait joen moag
Zwait en zwoare sjek, nee ik roek het nait groag
Mor al krieg ‘k het van dei locht benauwd
Het roekt aaltied verrekt vertrouwd
Zwait en zwoare sjek, zwait en zwoare sjek !!
X
Dien verdrait
Wat hest doe neudig veur meer rust in dien kop
Gaist baange sloapen en mit angst staist weer op.
Doe waist woars’t baange veur bist mor nait woarom
Ik vroag die voak doarom,
mor krieg gain antwoord weerom.
De gedachten dei die ploagen, vuilen veur mie nait normoal
Bie alles wat er speult, hest doe dien aigen verhoal
’T blieft stoer te begriepen ’k vuil mie machteloos en dom
Ik vroag die voak woarom,
mor krieg gain antwoord weerom.
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
‘t dut zeer, dien verdrait
Wat mot ‘k in vredesnoam doun om die te kinnen helpen
Dien troanen in berre binn’n voak nait meer te stelpen
Ik zol groag ain moal dien gedachten kinnen lezen
en die den vertellen was’t doe nait huifst te vrezen
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
’t dut zeer, dien verdrait
Natuurlijk denk ik noa over, woar komt dit vandoan
Het antwoord nog nait vonden het zit in ons bestoan
Is het de kosmos dei ‘t stuurt, ik wait het nait
Mor wat ik heul goud wait,
‘t dut zeer, dien verdrait
X
Ainzoamhaid
Zo voak den zitst doar mor
mit ogen dei niks zain
wanneer ik kiek noar dien gezicht.
Roaden woarst mit aandacht zitst,
want ja dat dut gainain
Tot uutleg vuilst die nait verplicht
Zo kinst doe uren zitten te stoaren,
wat ‘er aan scheelt blieft elk noar roaden.
As ik die zai, doe mie gain aandacht schenkst
den wil ik waiten woarst aan denkst.
Ainzoamhaid, hest ’n wolke veur dien zunne
Bliefst onbeschenen, wat is dat zunde
Ainzoamhaid, dei is die voak de boas
Bist allaint mit die stil verdrait,
Ainzoamhaid.
Bist mit dien heufd der nait bie
Doe zegst dat heurt bie mie
Gain ruumte in dien kop
Liekst die van niks bewust
Zo kriegst doe noeit dien rust
Het komt nait in die op
Beelden bliem branden in dien heufd
Nait kinnen stoppen wordt nait geleufd
Hest ’t voak nait in de haand
Zakst vot in aigen driefzaand
Ainzoamhaid, hest ’n wolke veur dien zunne
Bliefst onbeschenen, wat is dat zunde
Ainzoamhaid, dei is die voak de boas
Bist allaint mit die stil verdrait,
Ainzoamhaid.
Beelden bliem branden in dien heufd
Nait kinnen stoppen wordt nait geleufd
Loat mie die helpen tou pak mien haand
Trek die los uut dien driefzaand
Ainzoamhaid, hest ’n wolke veur dien zunne
Bliefst onbeschenen, wat is dat zunde
Ainzoamhaid, dei is die voak de boas
Bist allaint mit die stil verdrait,
Ainzoamhaid.
X
Dement
Veur joaren leden was ‘k wind om niks te vergeten
Niks nait versleten, … aaltied op tied eten
Zunder muite elke volgende dag deur
Een goud geheugen, … een goud geheugen
’T is heul anders nou dat nait meer goud gait
As of tied stilstait, … asof tied stilstait
Mien dokter zegt mie het wordt aal mor aarger
Noeit meer beter, … noeit meer beter
Het vuilt veur mie zo vrumd
Joa ’t vuilt veur mie zo roar
Mien doagelieks gedou
Hoal ik nait meer veur mekoar
Het vaalt nait uut te leggen
en ’t vaalt veuraal nait mit
As minsen van mie zeggen, ze is, ze is zo
Dement ….Dement ….Dement ….Dement
De minsen om mie tou doun of ze mie kennen
‘k zai wainig bekenden, …’k zai wainig bekenden
Ik zeg moar aal, …ik wil noar huus tou
Mor woar is mien hoes nou, …en woar is mien man nou
’T roast mie in mien kop, wat is de woarhaid
Woar ‘k woon ik wait nait, …wel ‘k bin dat wait ‘k soms ook nait
As ’t mie teveul wordt dou ‘k ’n tiedje mien ogen dicht
den is ’t veur eem licht, den is ’t veur eem lichter
Het vuilt veur mie zo vrumd
Joa ’t vuilt veur mie zo roar
Mien doagelieks gedou
Hoal ik nait meer veur mekoar
Het vaalt nait uut te leggen
en ’t vaalt veuraal nait mit
As minsen van mie zeggen, ze is, ze is zo
Dement ….Dement ….Dement ….Dement
X
Ik liek zo veul op die
Pa as ik ains rustig bie die zit, den gai ik ons baidend vergelieken,
en den vaalt't nait aaltied mit om eerlijk noar miezulf te kieken.
Aaltied heb ik docht dat ik het minst op die leek,
mor dat 'et meer is den mie laif is da’s wat loater bleek.
’N einzelgänger bin’k, da’s duudelijk, net as die,
en ook dien haarde waarken paast doar wel bie.
Geld verdainen doun we groag, om de schöstain te loaten roken
En wat der overblieft wordt in 'n oale sokke stoken.
Pa ik liek zoveul op die, ik liek verrekt veul op die.
Dat was nait aans den te verwachten, mor nait op alles heb ‘k stoan wachten
Mor ik liek zoveul op die, zo verrekt veul op die,
Dus hoal ik die aaltied in gedachten en blief ik veul lieken op die.
Wie zeggen nait aaltied veul, mor ‘t koppie moalt mor deur
den hoald'n we gedachten veur onszulf en dat geeft voak gezeur.
'T lontje is kört, veul geduld hebben we noeit had
wanneer 't nait gait zoas we willen den binnen we't gauw zat
Zeggen was't op dien haart hest dat dust doe nait groag
en dat is nou precies woar ik miezulf voak mit ploag
Complimenten van die heb ik as kind huil voak mist,
'k was bliede van die te heuren das't trots op mie bist.
Pa ik liek zoveul op die, ik liek verrekt veul op die.
Dat was nait aans den te verwachten, mor nait op alles heb ‘k stoan wachten
Mor ik liek zoveul op die, zo verrekt veul op die,
Dus hoal ik die aaltied in gedachten en blief ik veul lieken op die.
X
Vulkoan
Van boet’n is ’t nait te zain, hou ’t van binnen brand
Van ofstand liekt ’t schier, hest diezulf goud in de hand
Het kolken in dien kop, is wat gainaine wait
Nait te blussen vuur, van binnen gloeiend hait
Dien gloei’nde gevuilens vormen woorden en zinnen
Zuiken zuch ’n oetweg, bliem’nait langer meer binnen
De oorzoak van het kolken, allaint bie die bekind
Allemoal oale piene, doar bist doe noeit aan wind
Dien kop stait op knappen
Het wordt die hoast teveul
Onrust woar komst doe vandoan
Bist compleet overstuur
Woorden as aaske en vuur
Barsten los as bist ’n vulkoan
As lava stroomt de piene uut dien heufd
Wilst groag dien rust, aine dei in die geleufd
Dien haide lava brandt alles plat
Mor vormt neie grond zo vruchtboar as wat.
Ains gait ’t stoppen, ’t roazen van gedachten
Zwoare depressies doar zitst doe nait op te wachten
De pries is hoog, joa veul te duur
Oeit trekt rook op en dooft het vuur.
Dien kop stait op knappen
Het wordt die hoast teveul
Onrust woar komst doe vandoan
Bist compleet overstuur
Woorden as aaske en vuur
Barsten los as bist ’n vulkoan
Zwaarde wolken beneemt die het zicht
’t duurt nait laank meer en uut gait ’t licht
Dien kop stait op knappen
Het wordt die hoast teveul
Onrust woar komst doe vandoan
Bist compleet overstuur
Woorden as aaske en vuur
Barsten los as bist ’n vulkoan
X
